Azərbaycan və Rumıniya arasında iqtisadi əlaqələrin daha da inkişafı üçün potensial imkanlar mövcuddur
Bakı, 30 oktyabr (AZƏRTAC). Azərbaycan Respublikasının Energetika Nazirliyində Rumıniya Xarici İşlər Nazirliyinin dövlət katibi, xarici işlər nazirinin müavini Stejarel Olaru ilə görüş olmuşdur.
Energetika Nazirliyindən AZƏRTAC-a bildirmişlər ki, görüşdə Azərbaycan ilə Rumıniya arasında dostluq əlaqələrinin qədim tarixi, ölkəmizin müstəqilliyini bərpa etdikdən sonra münasibətlərin yeni müstəvidə inkişaf etməsi və dövlət başçılarının qarşılıqlı səfərləri nəticəsində münasibətlərin strateji tərəfdaşlıq səviyyəsinə yüksəldiyi vurğulanmışdır.
Azərbaycanın energetika naziri Natiq Əliyev ikitərəfli münasibətlərin çox uğurla inkişaf etdiyini bildirmişdir. Diqqətə çatdırılmışdır ki, münasibətlərin inkişafı üçün çox gözəl imkanlar, vardır və gələcəkdə bu potensialdan səmərəli şəkildə istifadə olunacağı gözlənilir.
Nazir əminliklə vurğulamışdır ki, ölkələrimiz arasında iqtisadi sahədə yeni layihələr icra olunacaqdır.
Qonaq səmimi görüşə görə minnətdarlığını bildirmiş, Azərbaycan hökumətinin Rumıniya iqtisadiyyatının müxtəlif sahələrinə investisiya layihələrinin artırılmasını təklif etmişdir.
Görüşdə qarşılıqlı maraq doğuran bir sıra məsələlər müzakirə olunmuşdur.
Bölmənin digər xəbərləri
