Azərbaycan və Rusiya arasında biznes missiyaların təşkili imkanları nəzərdən keçirilib
Bakı, 10 avqust, AZƏRTAC
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Rusiya Federasiyasının Azərbaycan Respublikasındakı ticarət nümayəndəsi Ruslan Mirsayapovla görüşüb.
KOBİA-dan AZƏRTAC-a bildirilib ki, görüşdə ölkələrimiz arasında ticarət əlaqələrinə, Azərbaycan və Rusiyanın KOB subyektlərinin satış bazarlarına çıxışı və ticarət əməliyyatlarının maliyyələşdirilməsi sahəsində mövcud dəstək mexanizmlərinə və yeni təşəbbüslərə dair fikir mübadiləsi aparılıb. Eyni zamanda, görüşdə hər iki ölkənin işgüzar dairələri arasında əməkdaşlığın genişləndirilməsi istiqamətində qarşılıqlı biznes missiyaların təşkili və digər birgə təşəbbüslərin həyata keçirilməsi, eləcə də əməkdaşlıq imkanları nəzərdən keçirilib.
Bölmənin digər xəbərləri
