Bakı, 21 oktyabr, AZƏRTAC

İstanbul Sənayeçi və İş Adamları Dərnəkləri Federasiyasının sədri Muammər Öməroğlu və təşkilata üzv olan İstanbul iş adamları ölkəmizdə səfərdədir. Səfər çərçivəsində nümayəndə heyəti Kiçik və Orta Biznesin İnkişafı Agentliyində (KOBİA) də olub.

KOBİA-dan AZƏRTAC-a bildirilib ki, agentliyin İdarə Heyətinin sədri Orxan Məmmədov və nümayəndə heyəti arasında keçirilmiş görüşdə Azərbaycan və Türkiyə iş adamları arasında əməkdaşlıq imkanlarının genişləndirilməsinə və bu sahədə hər iki qurumun birgə təşəbbüslərinə dair fikir mübadiləsi aparılıb.