AZƏRBAYCAN VOLEYBOLÇULARI YOLDAŞLIQ GÖRÜŞÜNÜ QƏLƏBƏ İLƏ BAŞA VURMUŞLAR
AZƏRTAC xəbər verir ki, Quba Olimpiya İdman Kompleksində təlim-məşq toplanışında olan Azərbaycanın qadın voleybolçularından ibarət milli yığma komandası Qazaxıstan kollektivi ilə yoldaşlıq görüşündə gücünü sınamışdır.
Oyun 3:1 hesabı ilə Faiq Qarayevin yetirmələrinin xeyrinə başa çatmışdır. Azərbaycan yığması Çində keçiriləcək dünya “Qran-pri” yarışlarının ilk seçmə mərhələsində iştirak etmək üçün avqustun 14-də Honkonq şəhərinə yola düşəcəkdir. Baş məşqçi komandaya veteran voleybolçuları - Yelena Şabovta və İnessa Qorxmazı da cəlb etmişdir.
Bölmənin digər xəbərləri
