AZƏRBAYCAN XALQ CÜMHURİYYƏTİNİN 90 İLLİK YUBİLEYİ MÜNASİBƏTİLƏ
AZƏRTAC xəbər verir ki, mayın 27 -də AzərbaycanTexniki Universitetində Azərbaycan Xalq Cümhuriyyətinin 90 illiyinə həsr olunmuş toplantı keçirilmişdir.
Universitetin rektoru, professor Havar Məmmədov bu əlamətdar gün münasibətilə xalqımızı təbrik etmiş, cəmi 23 ay yaşamış Azərbaycan Xalq Cümhuriyyətinin yaranması tarixindən, onun süqutunun səbəblərindən, dövlətçilik tariximizdəki rolundan danışmışdır. O vaxtkı hökumətin demokratik hüquq və azadlıqların bərqərar olması, etnik və dini mənsubiyyətindən asılı olmayaraq bütün vətəndaşlara bərabər hüquqlar verilməsi, Azərbaycan dilinin dövlət dili elan edilməsi, təhsil və mədəniyyətin inkişafına xüsusi diqqət göstərilməsi, milli ordunun yaradılması sahəsində oynadığı rol yüksək qiymətləndirilmişdir.
İkinci dəfə müstəqilliyini əldə edən dövlətimizin möhkəmlənməsində ümummilli liderimiz Heydər Əliyevin tarixi xidmətlərindən bəhs edən natiq, ulu öndərimizin siyasi xəttinin Prezident İlham Əliyev tərəfindən uğurla davam etdirildiyini bildirmişdir.
Sonra dosent Şikar Qasımovun “Azərbaycan Xalq Cümhuriyyəti və ictimai təsisatlar” mövzunda məruzəsi dinlənilmiş, müzakirələr aparəılmışdır.
Bölmənin digər xəbərləri
