AZƏRBAYCANDA ÇİMƏRLİK FUTBOLU ÜÇÜN MÜASİR STADİON İNŞA OUNMUŞDUR
Sentyabrın 18-dən 21-dək Mərdəkandakı “Dalğa” istirahət mərkəzində yeni inşa olunmuş stadionda çimərlik futbolu üzrə Avropa kuboku uğrunda yarış keçiriləcəkdir.
Sentyabrın 17-də AFFA-da keçirilmiş mətbuat konfransında Azərbaycan Çimərlik Futbolu Federasiyasının prezidenti Fərid Novruzi min nəfər tamaşaçı tutan bu idman qurğusunun dünyada mövcud oxşar stadionlardan fərqləndiyini demişdir. Onun sözlərinə görə, digər ölkələrdə çimərlik futbolu üzrə yarışlar üçün mobil stadionlar tikilir. Hətta, İtaliya, İspaniya kimi ölkələrdə belə yarışları keçimək üçün stadionlar 72 saat əvvəll quraşdırılır. Yarış başa çatdıqdan sonra isə sökülür. Mərdəkandakı stadion isə dəmir-beton konstruksiyadan inşa olunmuşdur. Belə bir stadion indiyədək yalnız Braziliyada tikilmişdir.
Dünya Çimərlik Futbolu Federasiyasının Baş katibi Qabino Renales də Mərdəkanda inşa olunmuş stadionun müasir standartlara cavab verdiyini söyləmişdir.
Bölmənin digər xəbərləri
