“AZƏRBAYCANDA GENDER MAARİFLƏNDİRİLMƏSİ” PROQRAMI HƏYATA KEÇİRİLMİŞDİR
AZƏRTAC-ın müxbiri xəbər verir ki, ABŞ-ın ölkəmizdə fəaliyyət göstərən “İnternews-Azerbaijan” Media Təşkilatının həyata keçirdiyi “Azərbaycanda gender maarifləndirilməsi” proqramı başa çatmışdır.
ABŞ-ın Beynəlxalq İnkişaf Agentliyinin və “Dünyanı öyrənək” təşkilatının maliyyə yardımı ilə gerçəkləşdirilən bu layihədə cəmiyyətdə qadının rolunun daha da yüksəldilməsi və onlara qarşı zorakılığın yolverilməzliyi məsələləri önə çəkilmişdir. Bu istiqamətdə Bakı, Naxçıvan və Gəncədə görüşlər keçirilmiş, gender məsələləri ilə bağlı beş reklam çarxı çəkilmişdir.
