AZƏRBAYCANDA RUS MƏDƏNİYYƏTİ VƏ MƏİŞƏTİ MUZEYİ AÇILACAQ
AZƏRTAC xəbər verir ki, Azərbaycanda Rusiya ili ilə əlaqədar mayın axırlarında Gədəbəy rayonunun Novo-İvanovka kəndində rus mədəniyyəti və məişəti muzeyi açılacaqdır. Onun açılışı “Mədəniyyətlərin dialoqu - vahid dünya” ictimai fondu tərəfindən təşkil olunmuşdur. Muzeydə Azərbaycanda yaşayan rusların mədəniyyəti və məişəti təqdim ediləcəkdir. Bütün bunlar əsası XIX əsrin ortalarında molokanlar tərəfindən qoyulan çoxmillətli Novo-İvanovka kəndində saxlanılmışdır.
Muzeyin binası XX əsrin əvvəllərində bu kənd üçün səciyyəvi olan və ənənəvi rus evi interyerinə malik tikilidən ibarətdir.
Fonddan AZƏRTAC-ın müxbirinə bildirmişlər ki, açılış mərasiminə Azərbaycanın və Rusiyanın bəzi dövlət qurumlarının nümayəndələri dəvət olunmuşlar.
Bölmənin digər xəbərləri
