AZƏRBAYCANDA TƏKRAR SEÇKİLƏR ŞƏFFAF VƏ DEMOKRATİK KEÇİRİLƏCƏKDİR
Azərbaycan nümayəndə heyətinin rəhbəri Səməd Seyidov iclas barədə AZƏRTAC-ın müxbirinə demişdir:
- Komitədə bir çox məsələlərlə yanaşı, may ayında ölkəmizdə keçiriləcək təkrar parlament seçkiləri də geniş müzakirə olunmuşdur. Müzakirələr zamanı Avropa Şurası tərəfindən müşahidəçi sifətilə Azərbaycana göndəriləcək nümayəndə heyətinin rəhbəri Leo Platvoet çıxış etmişdir.
Mən öz çıxışımda komitə üzvlərinin nəzərinə çatdırdım ki, Azərbaycanda seçkiqabağı proseslər normal cərəyan edir. Seçkilərin açıq, demokratik keçirilməsi üçün bütün tədbirlər görülür və bundan sonra da görüləcəkdir.
İclasda Azərbaycana göndəriləcək nümayəndə heyətinin tərkibi barədə bir daha əlavə məlumat verilmişdir. Nümayəndə heyətinin seçkilər zamanı işinin təşkili ilə bağlı ölkəmizdə tam hazırlıq görüldüyü bildirilmişdir.
Komitədə ümumi ab-hava normal şəkildə idi. Komitə ümid edir ki, təkrar seçkilər şəffaf və obyektiv şəraitdə keçiriləcəkdir.
XXX
Nümayəndə heyətinin rəhbəri Səməd Seyidov aprelin 11-də iki mühüm görüş keçirmişdir. Hər iki görüşdə Azərbaycanda olan vəziyyət, demokratik proseslərin inkişafı barədə fikir mübadiləsi aparılmışdır.
Bölmənin digər xəbərləri
