Azərbaycanda tibb işçilərinin mərkəzləşdirilmiş qaydada işə qəbulu üzrə sənəd qəbulu başlanmışdır
Bakı, 12 may (AZƏRTAC). Səhiyyə Nazirliyi həkimlərin mərkəzləşdirilmiş qaydada işə qəbulu ilə bağlı sənədlərin qəbuluna dair elan vermişdir.
Bu barədə AZƏRTAC-a nazirliyin mətbuat xidmətindən məlumat verilmişdir.
Məlumata görə, mayın 12-dən etibarən Səhiyyə Nazirliyinin tabeçiliyində olan müəssisələrə tibb işçilərinin vakant yerlərə sənədlərinin qəbulu başlanmışdır.
Qeyd edək ki, Azərbaycan Respublikası Prezidentinin 2012-ci il 5 sentyabr tarixli Sərəncamı ilə təsdiq edilmiş “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”nın icrasını təmin etmək məqsədi ilə tibb işçilərinin vakant yerlərə qəbulu mərkəzləşdirilmiş qaydada aparılır.
Bölmənin digər xəbərləri
