AZƏRBAYCANIN DİPLOMATİK NÜMAYƏNDƏLİKLƏRİ ÜÇÜN AVADANLIQ ALINMASINA DAİR MÜSABİQƏDƏ ALTI ŞİRKƏT İŞTİRAK EDİR
AZƏRTAC xəbər verir ki, Maliyyə Nazirliyi Azərbaycanın səfirlikləri, konsulluqları və digər diplomatik nümayəndəlikləri, ölkəmizə gələn əcnəbi vətəndaşlar üçün viza blankları hazırlamaq məqsədi ilə avadanlıq alınmasına və proqram təminatına dair müsabiqə elan etmişdir. Müsabiqədə iştirak etmək üçün 6 şirkət, o cümlədən bir milli şirkət sifariş vermişdir.
Oktyabrın 8-də maliyyə, daxili işlər, xarici işlər nazirlikləri, Dövlət Sərhəd Xidməti nümayəndələrinin daxil olduqları müsabiqə komissiyasının üzvləri namizəd şirkətlərin təmsilçilərinin iştirakı ilə şərtlərlə tanış olmuşlar.
Qısa müşavirədən sonra komissiya namizədlərin sifarişlərinə dörd həftə ərzində baxmağı qərara almışdır.
Bölmənin digər xəbərləri
