Azərbaycanın futbol klubları İFFHS-in reytinq cədvəlində irəliləmişlər
Bakı, 3 dekabr (AZƏRTAC). Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının növbəti reytinq cədvəlini açıqlamışdır.
AZƏRTAC xəbər verir ki, 451 komandanın yer aldığı siyahıda iki Azərbaycan komandası da vardır.
Siyahıda xeyli vaxtdır ölkəmizi təmsil edən “Neftçi” 44 pillə irəliləmişdir. 213-cü yerə qalxan Azərbaycan çempionu 87 xala malikdir. “Neftçi” Polşanın “Lex”, Zimbabvenin “Dinamo” və Perunun “Real” klubları ilə eyni pillədədir.
Digər təmsilçimiz Bakının “İnter” komandası 7 pillə irəliləyərək 420-ci yerə qalxmışdır. Komandamızın aktivində 62 xal vardır.
Siyahıya İspaniya klubları “Barselona” (345 xal) və “Atletiko” (298 xal) başçılıq edirlər. Argentinanın “Boka Xuniors” klubu 284 xalla üçüncüdür.
Bölmənin digər xəbərləri
