“Azərbaycanın ipək incisi” yaradıcılıq müsabiqəsi davam edir
Bakı, 15 fevral, AZƏRTAC
“Azərbaycan Sənaye Korporasiyası” Açıq Səhmdar Cəmiyyəti və Mədəniyyət Nazirliyi bütün yaş kateqoriyalarından olan istedadlı dizayner və rəssamlar üçün “Azərbaycanın ipək incisi” adlı yaradıcılıq müsabiqəsini elan edilib.
Mədəniyyət Nazirliyindən AZƏRTAC-a bildirilib ki, milli naxış və ornamentlər mövzusuna həsr olunan müsabiqə, istedadlı rəssam və dizaynerlərə dəstək olmaq, onları tanıtmaq, eyni zamanda, Azərbaycanın bu qədim sənət növünü yaşatmaq məqsədi daşıyır.
Müsabiqədə iştirak etmək arzusunda olanlar ad və soyadlarını, doğum tarixlərini, eləcə də əlaqə nömrəsi, oxuduğu məktəb və ya təsviri sənətlə məşğul olduğu tədris mərkəzinin adını qeyd etməklə kəlağayı üçün nəzərdə tutulmuş eskiz nümunələrini A4 ölçülü kağız üzərində işləməklə martın 4-dək [email protected] elektron ünvanına göndərməlidirlər.
Müsabiqənin şərtlərinə əsasən, sonda qaliblərə pul mükafatı və diplomlar təqdim olunacaq.
Bölmənin digər xəbərləri
