AZƏRBAYCANIN KİŞİLƏRDƏN İBARƏT YIĞMA KOMANDASI HƏLLEDİCİ GÖRÜŞDƏ NİDERLANDLA QARŞILAŞIR
Bakı, 30 oktyabr (AZƏRTAC). Serbiyanın Novi-Sad şəhərində şahmat üzrə Avropa çempionatının bu gün keçiriləcək sonuncu turunda Azərbaycanın kişilərdən ibarət komandası Niderland yığması ilə qarşılaşacaqdır.
Azərbaycan şahmatçıları bu görüşdə qələbə qazanacaqları, Rusiya komandası isə ispanlarla xal itirəcəyi təqdirdə, həmyerlilərimiz Avropa çempionatının qızıl medallarına layiq görüləcəklər.
Xatırladaq ki, hazırda turnir cədvəlində ikihakimiyyətlilikdir. Azərbaycan və Rusiya komandaları 13 xalla 1-2-ci yerləri bölüşürlər.
Turnirdə 6-cı pilləni tutan qadın şahmatçılarımız isə Sloveniya komandası ilə mübarizə aparacaqlar. Qadınların turnirində isə Rusiya və Gürcüstan yığmaları 1-2-ci yerləri bölüşürlər.
Avropa çempionluğu uğrunda 38 kişi və 28 qadın komandası mübarizə aparır.
Bölmənin digər xəbərləri
