AZƏRBAYCANIN MİLLİ PEYKİNİN ORBİTƏ BURAXILMASI İLƏ BAĞLI MƏSƏLƏLƏR MÜZAKİRƏ OLUNUR
AZƏRTAC xəbər verir ki, Azərbaycanın milli peyki 2009-cu ilin sonu-2010-cu ilin əvvəlində kosmosa buraxıla bilər. Peykin orbitə buraxılması üçün Beynəlxalq Telekommunikasiya İttifaqının Azərbaycana lisenziya verəcəyi gözlənilir. Hazırda bu istiqamətdə müvafiq işlər görülür.
Bu barədə məlumat verən rabitə və informasiya texnologiyaları nazirinin müavini İltimas Məmmədov bildirmişdir ki, milli peykin olması keyfiyyətli və etibarlı rabitə əlaqələrinə, televiziya yayımına, kanalların sayının artmasına imkan yaradacaqdır. Milli peykimiz Avropanı əhatə edərsə, Azərbaycan Avropa-Asiya kanallarının yayımında tranzit ölkə kimi iştirak edə bilər.
Bölmənin digər xəbərləri
