Azərbaycanın Pakistandakı səfiri: İqlim dəyişikliyi ilə mübarizədə qlobal birliyə təcili ehtiyac var
İslamabad, 27 sentyabr, Hilal Əhməd, AZƏRTAC
İqlim dəyişikliyi ilə mübarizədə qlobal birliyə təcili ehtiyac var.
AZƏRTAC xəbər verir ki, bu fikirləri Azərbaycanın Pakistandakı səfiri Xəzər Fərhadov İslamabadda keçirilən iqlim dəyişikliyi üzrə beynəlxalq konfransda çıxışı zamanı söyləyib. O, Azərbaycanın ev sahibliyi edəcəyi COP29-un sülhün təşviqinə sadiqliyini vurğulayaraq, beynəlxalq əməkdaşlığın davamlı və firavan gələcəyə nail olmaq üçün vacibliyini bildirib.
“Pakistanın iqlim fəaliyyəti yolunda naviqasiya: uyğunlaşma, maliyyə və texnologiya” adlı konfransda Azərbaycan Respublikası Milli Məclisinin deputatı, ADA Universitetinin prorektoru Fariz İsmayılzadə də çıxış edib. O, Pakistan-Azərbaycan əlaqələrinin inkişafına İslamabad Strateji Araşdırmalar İnstitutunun böyük töhfə verdiyini bildirib.
Pakistanın iqlim dəyişiklikləri üzrə sabiq naziri, senator Şerri Rəhman Xəzər Fərhadovun bərpaolunan enerji və maliyyələşdirmə ilə bağlı fikirlərinə istinad edərək, Pakistanın həm yerli, həm də qlobal xarakter daşıyan unikal iqlim problemlərindən danışıb.
Bölmənin digər xəbərləri
