Azərbaycanın qadın sahibkarları beynəlxalq əlaqələrini genişləndirirlər
Bakı, 4 avqust, AZƏRTAC
Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva və qurumun üzvü olan bir sıra qadınların Şimali Kipr Türk Cümhuriyyətinə səfəri baş tutub.
AQSİA-dan AZƏRTAC-a bildirilib ki, səfər çərçivəsində Cümhuriyyət Məclisi başkanı Zorlu Töre və Şimali Kipr Qadın Sahibkarlar dərnəyi (GİKAD) sədri İçim Kavuklu ilə birgə görüşlər keçirilib.
Görüşdə geniş məruzə ilə çıxış edən Səkinə Babayeva iki ölkə arasında iqtisadi əlaqələrin güclənməsində qadın sahibkarlarının da böyük rol oynayacağını bildirib.
Növbəti günlərdə Şimali Kipr Türk Cümhuriyyəti rəsmiləri ilə işgüzar görüşlər planlaşdırılır.
Bölmənin digər xəbərləri
