AZƏRBAYCANIN QARSDAKI BAŞ KONSULLUĞUNDA TÜRKİYƏ PARLAMENTİNİN DEPUTATLARI İLƏ GÖRÜŞ OLMUŞDUR
Azərbaycanın Qars şəhərindəki Baş konsulluğundan AZƏRTAC-a bildirmişlər ki, aprelin 14-də burada Türkiyə Böyük Millət Məclisinin (TBMM) deputatları ilə görüş olmuşdur.
Naxçıvan Muxtar Respublikası Ali Məclisinin sədri Vasif Talıbovun dəvəti ilə Naxçıvana gedən və əksəriyyəti TBMM-in deputatlarından ibarət 45 nəfərlik nümayəndə heyətinin üzvləri, əvvəlcə, ümummilli liderimiz Heydər Əliyevin Qarsdakı büstü önünə əklil qoymuşlar.
Konsulluqda keçirilən görüşdə qardaş ölkələr - Azərbaycan ilə Türkiyə arasında münasibətlərə dair fikir mübadiləsi aparılmışdır.
Türkiyə nümayəndə heyəti həmin gün Naxçıvana yola düşmüşdür.
Bölmənin digər xəbərləri
