AZƏRBAYCANIN RUSİYADAKI SƏFİRİ POLAD BÜLBÜLOĞLU ETİMADNAMƏSİNİ RF PREZİDENTİNƏ TƏQDİM ETMİŞDİR
Səkkiz ölkənin yeni səfirlərinin etimadnamələrini qəbul edən V.Putin görüş iştirakçılarını Rusiyada diplomatik xidmətə təyin olunmaları münasibətilə təbrik edərək bildirmişdir ki, onun ölkəsi dünyanın bütün dövlətləri ilə sıx əməkdaşlıqda maraqlıdır.
V.Putin Azərbaycanla Rusiya arasındakı ikitərəfli münasibətlərə toxunaraq demişdir: “Biz Azərbaycanla əsil, ənənəvi sıx mehriban qonşuluq münasibətlərimizi yüksək qiymətləndiririk”. Onun sözlərinə görə, ikitərəfli işgüzar və humanitar əməkdaşlığın yeni ümumi uğurlarla ilbəil möhkəmləndirilməsi vacibdir. V.Putin onu da bildirmişdir ki, bizim geniş qarşılıqlı siyasi fəaliyyətimiz və qarşılıqlı etimadımız Qafqazda, Xəzər regionunda sabitliyin əhəmiyyətli amilidir. Putin demişdir: “Rusiyada Azərbaycan ilinin keçirilməsi xalqlarımızın yaxınlaşmağa çalışdığını inandırıcı şəkildə göstərdi. Əminəm ki, Azərbaycanda Rusiya ili bu dostluq estafetini layiqincə davam etdirəcəkdir”.
Bölmənin digər xəbərləri
