AZƏRBAYCANIN TEHRANDAKI SƏFİRİ İRANIN STATİSTİKA TƏŞKİLATININ SƏDRİ İLƏ GÖRÜŞMÜŞDÜR
AZƏRTAC-ın xüsusi müxbiri xəbər verir ki, Azərbaycanın İrandakı səfiri Abbasəli Həsənov bu ölkənin statistika təşkilatının sədri Məhəmməd Mədəd ilə görüşmüşdür.
Görüşdə iki ölkə arasında statistika sahəsində əməkdaşlıq əlaqələrinin genişləndirilməsinə dair məsələlər müzakirə edilmişdir. Qeyd olunuşdur ki, tərəflərin təsrübə mübadiləsi aparması vacib və olduqca faydalıdır.
Azərbaycan və İranın dövlət statistika təşkilatlarının rəhbərləri tərəfindən imzalanacaq müvafiq sənədin mətninin tərtib edilməsi üçün yaxın vaxtlarda hər iki ölkənin ekspertlərindən ibarət işçi qrupunun görüşünün təşkil edilməsi qərara alınmışdır.
Bölmənin digər xəbərləri
