Florentino Peres yenidən “Real Madrid”in prezidenti seçilib
Bakı, 8 iyun, AZƏRTAC
Florentino Peres “Real Madrid” klubunun prezident seçkilərində qalib gələrək növbəti müddətə yenidən seçilib.
AZƏRTAC xəbər verir ki, bu barədə “Marca” qəzeti məlumat yayıb.
Prezident postuna digər namizəd iş adamı Enrike Rikelme olub. Peresin yeni səlahiyyət müddəti 2030-cu ildə başa çatacaq.
Qeyd edək ki, 79 yaşlı Florentino Peres 2009-cu ildən “Real Madrid”ə rəhbərlik edir. O, bundan əvvəl də 2000–2006-cı illərdə klubun prezidenti olub.
Peresin rəhbərliyi dövründə “Real Madrid” yeddi dəfə İspaniya çempionu, üç dəfə İspaniya Kubokunun, yeddi dəfə UEFA Çempionlar Liqasının qalibi olub. Klub, həmçinin yeddi İspaniya Superkuboku və beş FIFA Klublararası Dünya Kuboku qazanıb.
Cari mövsümdə “Real Madrid” İspaniya çempionatını ikinci pillədə başa vurub və UEFA Çempionlar Liqasında mübarizəni dörddəbir final mərhələsində dayandırıb.
Bölmənin digər xəbərləri
