AZƏRBAYCANIN TURİZM SAHƏSİNDƏ GENİŞ İMKANLARI VAR
K.Markelovun sözlərinə görə, QİƏT PA Baş Assambleyasının Sankt-Peterburqda keçirilmiş əvvəlki iclasında Qara dəniz hövzəsi dövlətləri turizm sahəsinin inkişafı ilə bağlı məsələləri müzakirə etmişlər. O demişdir: “Azərbaycanın turizm sahəsində çox geniş imkanları və Xəzər hövzəsi ölkələri arasında iqtisadiyyatın bu sahəsinin inkişafı üçün böyük potensialı var”. Parlament üzvü ümidvar olduğunu bildirmişdir ki, Rusiya və Azərbaycan turizm sahəsində qarşılıqlı fəaliyyəti həm ikitərəfli əsasda, həm də QİƏT PA çərçivəsində gücləndirməyə müvəffəq olacaqlar. O demişdir ki, Xəzər dənizində teploxodla turizm səyahətlərini bərpa etmək lazımdır. Xəzər dənizi və Qara dəniz regionları turizm sahəsinin inkişafı üçün kifayət qədər cəlbedicidir və bu istiqamət QİƏT dövlətlərinin hamısına böyük gəlir gətirəcəkdir.
QİƏT ölkələrində turizmin inkişafı məsələləri QİƏT PA-nın İqtisadi Komitəsinin bu ilin payızında Türkiyədə keçiriləcək xüsusi iclasında ətraflı müzakirə olunacaqdır. Markelov demişdir: “Biz güman edirik ki, QİƏT-in bütün ölkələri, o cümlədən Rusiya və Azərbaycan bu iclasa turizm biznesi ilə məşğul olan peşəkarlar aparacaqlar, çünki bu, qarşılıqlı surətdə faydalı və kifayət qədər perspektivli əməkdaşlıqdır”.
