AZƏRBAYCANIN VƏ RUSİYANIN ƏDLİYYƏ NAZİRLİKLƏRİ UĞURLA ƏMƏKDAŞLIQ EDİRLƏR

14.04.2006 [17:47]
Çap et
A⁺ A^-

AZƏRTAC-ın xüsusi müxbiri xəbər verir ki, məhkumların cəzaçəkmə müddətini davam etdirmək üçün göndərilməsi sahəsində Azərbaycanla Rusiya arasında əməkdaşlıq genişlənir və dərinləşir. Belə ki, ötən il Rusiya cəzasını çəkməsi üçün Azərbaycana 30-dan çox, bu ilin birinci rübündə isə 13 məhkum təhvil vermişdir. Bunu AZƏRTAC-ın müxbirinə respublika Ədliyyə Nazirliyinin idarə rəisi Zavər Qafarov bildirmişdir. Onun sözlərinə görə, Azərbaycanla Rusiya arasında məhkumların cəzasını çəkməsi üçün təhvil verilməsi sahəsində xeyli iş görülmüşdür və bu proses davam etdirilir. Hazırda Rusiya ərazisində cəzasını çəkən məhkumların respublikamıza təhvili ilə bağlı sənədlərin Azərbaycan Ədliyyə Nazirliyinə göndərilməsi xahişi ilə RF Ədliyyə Nazirliyinə 50 müraciət edilmişdir. Bununla yanaşı, məhkum olunmuş Azərbaycan vətəndaşlarının qəbulu haqqında 47 qərar RF-nin səlahiyyətli məhkəmələrində baxılmaq məqsədi ilə RF Ədliyyə Nazirliyinə göndərilmişdir.

Z.Qafarov demişdir ki, Azərbaycanla Rusiya arasında əməkdaşlıq “Mülki işlər, ailə və cinayət işləri üzrə hüquqi yardım və hüquqi münasibətlər haqqında” (1992-ci il), “Məhkum şəxslərin cəzasını çəkməsi üçün verilməsi haqqında” (1994-cü il) və “Hüquqi informasiya mübadiləsi haqqında” (1994-cü il) ikitərəfli müqavilələr əsasında həyata keçirilir. O vurğulamışdır ki, ölkələrimizin hüquqi yardım üzrə qarşılıqlı fəaliyyəti “Mülki işlər, ailə və cinayət işləri üzrə hüquqi yardım və hüquqi münasibətlər haqqında” Minsk Konvensiyası və “Məhkumların cəzaçəkmə müddətini davam etdirmək üçün göndərilməsi haqqında” 1993-cü il tarixli 1998-ci il tarixli Moskva Konvensiyası ilə tənzim olunur.

Tərəflər həmin sənədlər əsasında bir-birinə hüquqi yardım göstərir, informasiya mübadiləsi aparır və dövlətlərimiz arasında hüquqi münasibətləri tənzimləyirlər.

AZƏRBAYCANIN VƏ RUSİYANIN ƏDLİYYƏ NAZİRLİKLƏRİ UĞURLA ƏMƏKDAŞLIQ EDİRLƏR

MÜƏLLİFLƏ ƏLAQƏ

Bölmənin digər xəbərləri