AZƏRBAYCANLI AVARÇƏKƏNLƏR UKRAYNADA KEÇİRİLƏCƏK “FEDERASİYA KUBOKU” TURNİRİNDƏ İŞTİRAK EDƏCƏKLƏR
Azərbaycan Milli Avarçəkmə Federasiyasından AZƏRTAC-a bildirmişlər ki, kayak və kanoe qayıqlarında avarçəkmə üzrə yeniyetmələrdən ibarət yığma komandamız sentyabrın 26-da Ukraynada start götürəcək “Federasiya kuboku” turnirinə qatılacaqdır. Avarçəkənlərimiz artıq yarışın keçiriləcəyi Donetsk vilayətinin Komsomolsk şəhərinə yola düşmüşlər.
Komandamız turnir çərçivəsində Ukrayna avarçəkənləri ilə birgə təlim-məşq toplanışında da iştirak edəcəklər.
Baş məşqçi Vasili Kovbanovski ilə məşqçi Arif Məhərrəmovun rəhbərlik etdikləri heyətə 7 idmançı cəlb olunmuşdur. Turnirdə Elvin Cəfərov, Emin Cəfərov, Rüfət Vəlizadə, Qulam Səlimov, Namiq Zöhrabov kayak, Habil İsmayılzadə və Xəqani Alməmmədli isə kanoe qayıqlarında mübarizə aparacaqlar.
“Federasiya kuboku” turnirinə sentyabrın 29-da yekun vurulacaqdır.
Bölmənin digər xəbərləri
