Azərbaycanlı kosmetoloqlar Türkiyə şirkətləri ilə əməkdaşlığı genişləndirir
İstanbul, 25 mart, AZƏRTAC
İstanbul şəhərində keçirilən “Beynəlxalq gözəllik və baxım-2018” sərgisində Azərbaycanı təmsil edən kosmetoloqlar əməkdaşlıq əlaqələrini genişləndirmək üçün Türkiyənin bir sıra şirkətləri ilə görüşüblər.
AZƏRTAC xəbər verir ki, “Qadınların iqtisadi maarifləndirilməsinə dəstək” İctimai Birliyi ilə Türkiyənin “Kapex”, “Okcu” və digər şirkətləri arasında əməkdaşlığa dair razılıq əldə olunub. Birliyin rəhbəri Firuzə İsrafilova bildirib ki, Azərbaycandakı kosmetologiya mütəxəssislərinin savad və təcrübəsi Türkiyə şirkətləri üçün olduqca cəlbedicidir.
Qeyd edək ki, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə Azərbaycandan 9 nəfərlik nümayəndə heyəti sərginin açılışında iştirak edib. Heyətinin rəhbəri Nurlana Həsənovadır.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
