Şəhriyar Məmmədyarov Özbəkistandakı turnirə qələbə ilə başlayıb
Bakı, 8 iyun, AZƏRTAC
Özbəkistanda şahmat üzrə “UzChess Cup” adlı ənənəvi beynəlxalq turnirə start verilib.
Şahmat Federasiyasından AZƏRTAC-a bildirilib ki, ən güclülərin yarışdığı “Masters” bölümündə Azərbaycanı milli komandanın üzvü Şəhriyar Məmmədyarov təmsil edir. I turda təmsilçimiz Hindistan şahmatçısı Vidit Santoş Qucratiyə qalib gələrək yarışda ilk xalını qazanıb.
Qeyd edək ki, turnirin “Challenge” bölməsində ölkəmizin iki şahmatçısı – Eltac Səfərli və Məhəmməd Muradlı da çıxış edir. Onların yarışında ilk turun partiyaları bu gün oynanılacaq.
Altı ölkənin qatıldığı beynəlxalq turnirə iyunun 15-də yekun vurulacaq.
Bölmənin digər xəbərləri
