Azərbaycanlı musiqiçilərin ifaları Oman Sultanlığında da maraqla qarşılanıb
Bakı, 2 may, AZƏRTAC
M.Maqomayev adına Azərbaycan Dövlət Akademik Filarmoniyasının kollektivi və Oman Sultanlığında yerləşən "Sultan Qabus" Universitetinin müəllimləri Mədəniyyət Nazirliyi və “Mədəniyyət” kanalının birgə təşkilatçılığı ilə "Bizi birləşdirən mədəniyyət" layihəsi çərçivəsində keçirilən "Sərhədsiz musiqi" aksiyasına qoşulublar.
AZƏRTAC xəbər verir ki, aksiyada Əməkdar mədəniyyət işçisi Elçin Abbasov (tar), Ulduzə Məmmədova (kamança), Şəbnəm Şıxəliyeva (qanun), Vüsalə Yusif (fortepiano) və digər musiqiçilər görkəmli bəstəkar A.Vivaldinin "İlin fəsilləri" əsərindən bir parçanı onlayn ifa ediblər.
İfa Azərbaycanla yanaşı, Oman Sultanlığında da çox maraqla qarşılanıb.
E.Abbasov bildirib ki, bu tip klassik əsərlərin kvartet şəklində təqdim olunması daha çox musiqiçiləri bir araya gətirəcək və onlar geniş heyətlə öz ifalarını gələcəkdə də təqdim edəcəklər.
Bölmənin digər xəbərləri
