AZƏRBAYCANLI MÜTƏXƏSSİSLƏR NEFTLƏ ÇİRKLƏNMİŞ TORPAQLARI TƏMİZLƏYƏN YENİ QURĞU İXTİRA ETMİŞLƏR
AZƏRTAC xəbər verir ki, “Ekol Mühəndislik Xidmətləri” Qapalı Səhmdar Cəmiyyətinin baş direktoru Soltan Əliyev və Azərbaycan Dövlət Neft Akademiyasının müəllimi Alımustafa Mustafayevin neftlə çirklənmiş torpaqların təmizlənməsi üçün ixtira etdikləri yeni MS-1 qurğusu sınaqdan keçirilmişdir.
“Ekol Mühəndislik Xidmətləri” QSC-dən bildirmişlər ki, qeydiyyatdan keçmək üçün qurğunun layihəsi ötən ilin dekabrında Standartlaşdırma, Metrologiya və Patent üzrə Dövlət Agentliyinin Patent şöbəsinə təqdim olunmuş və ixtira barədə qərar qəbul edilmişdir. Agentlik S.Əliyevə və A.Mustafayevə qurğunun ixtirasına dair müəlliflik hüququ verən patent ixtira sənədi vermişdir.
Bölmənin digər xəbərləri
