SİYASƏT
Azərbaycanlı parlamentari AŞPA komitəsinin məruzəçisi seçilib
Strasburq, 28 iyun, AZƏRTAC
Avropa Şurası Parlament Assambleyasının yay sessiyası çərçivəsində qurumun sosial məsələlər komitəsinin iclası keçirilib.
AZƏRTAC xəbər verir ki, iclasda komitənin “Autizm diaqnozlu insanlar və onların ailələri ilə münasibətlər” adlı mövzu ilə bağlı məruzəçinin təyin edilməsi üçün səsvermə olub.
Milli Məclisin deputatı, Azərbaycanın AŞPA-dakı nümayəndə heyətinin üzvü Sevinc Fətəliyevanın və britaniyalı Lord Don Touhigin namizədliyi irəli sürülüb.
Deputat Sevinc Fətəliyeva səslərin əksəriyyətini toplayaraq AŞPA-nın sosial məsələlər üzrə komitəsinin məruzəçisi seçilib.
Şəhla Ağalarova
AZƏRTAC-ın xüsusi müxbiri
Strasburq