Azərbaycanlı tenor Polşada səhnə alıb
Kaliş, 5 fevral, AZƏRTAC
Polşanın Kaliş şəhərində müəllimlər xorunun 10 illik yubiley konserti keçirilib. Konsertə fəxri qonaq kimi Azərbaycanlı tenor Tərlan Şahbazlı da dəvət olunub.
AZƏRTAC xəbər verir ki, konsertdə Polşa və bir çox dünya bəstəkarlarının yaradıcılığına müraciət edilib. Həmyerlimiz yerli dildə üç, italyan dilində bir mahnı ifa edib. Şəhər rəhbərliyinin və klassik musiqi həvəskarlarının qatıldığı mərasimdə tenorumuzun çıxışı maraqla qarşılanıb.
Qeyd edək ki, hazırda Polşada yaşayan Tərlan Şahbazlı, davamlı olaraq ölkəmizlə bağlı tədbirlərdə iştirak etməklə yanaşı, həm də yerli əhəmiyyətli tədbirlərə dəvət alır.
Aygün Əliyeva
AZƏRTAC-ın xüsusi müxbiri
Kaliş
Bölmənin digər xəbərləri
