“AZƏRBAYCANTELEFİLM” YARADICILIQ BİRLİYİNDƏ “MÖCÜZƏLƏR ADASININ SAKİNİ” FİLMİNİN İSTEHSALI BAŞA ÇATMIŞDIR
AZƏRTAC “Azərbaycan Televiziya və Radio Verilişləri” QSC-nin mətbuat xidmətinə istinadla xəbər verir ki, “Azərbaycantelefilm” Yaradıcılıq Birliyində “Möcüzələr adasının sakini” adlı sənədli filmin istehsalı başa çatmışdır.
Yaqub Əlioğlunun ssenarisi əsasında rejissor Ənvər Əblucun quruluşunda çəkilmiş film görkəmli kinorejissor və yazıçı Həsən Seyidbəylinin şəxsində Azərbaycan kinosunun inkişaf mərhələlərindən bəhs edir. Portret janrında lentə alınmış yeni ekran əsərində Həsən Seyidbəyli bədii yaradıcılığı və kino fəaliyyəti ilə milli kinomuzun səhifələrini zənginləşdirən sənətkarlardan biri kimi təqdim olunur.
Filmin operatoru Mahir Cahangirovdur.
Bölmənin digər xəbərləri
