“Azərişıq”: Masallı və Sumqayıtda 40-dan çox sahibkarla görüş keçirilib
Bakı, 14 fevral, AZƏRTAC
“Azərişıq” ASC abonentlərin maarifləndirilməsi, onların məlumatlılıq səviyyəsinin artırılması istiqamətində işlərini davam etdirir.
AZƏRTAC ASC-nin məlumatına istinadla xəbər verir ki, yanvar ayında Masallı və Sumqayıt şəhərlərində 40-dan çox sahibkarın iştirakı ilə görüşlər keçirilib, elektron xidmətlər barədə sahibkarlarla maarifləndirici söhbətlər aparılıb, abonentlərin ofis və evlərindən çıxmadan onlayn qaydada quruma müraciət etmə imkanları ətraflı izah olunub.
Turizm və sənaye sahəsində çalışan insanların müxtəlif məsələlərlə bağlı sualları dinlənilib, qaldırdıqları bəzi problemlər yerindəcə həll edilib.
Bölmənin digər xəbərləri
