“AZƏRREYL” NÖVBƏTİ GÖRÜŞÜNÜ DEKABRIN 18-DƏ KEÇİRƏCƏKDİR
“Azərreyl” qadın voleybol komandası Çempionlar liqasında növbəti görüşünü dekabrın 18-də Bakı idman sarayında keçirəcəkdir. Komandamız dəfələrlə Rusiya çempionu olmuş “Uraloçka” klubu ilə qarşılaşacaqdır.
Xatırladaq k, Faiq Qarayevin yetirmələri bundan əvvəlki iki oyunda Türkiyənin “Əczaçıbaşı” və İtaliyanın “Modena” komandaları üzərində parlaq qələbə qazanmışlar və hazırda öz qrupunda liderdirlər.
Azərbaycan Voleybol Federasiyasından AZƏRTAC-a bildirmişlər ki, indi komandamız intensiv məşq edir və bu məsul görüşdə də uğurla çıxış etmək əzmindədir.
“Uraloçka” klubunun voleybolçuları Bakıya hələ ötən həftə gəlmişlər və “Azərreyl” ilə oyuna burada hazırlaşırlar.
Bölmənin digər xəbərləri
