AzMİU-nun adı dünya reytinq cədvəlində
Bakı, 1 may, AZƏRTAC
Azərbaycan Memarlıq və İnşaat Universiteti (AzMİU) bu il 760-cı yerdə dünyanın müxtəlif ən yaxşı universitetləri arasında siyahıya daxil olub.
AzMİU-dan AZƏRTAC-a bildirilib ki, Round University Ranking (RUR Ranking) - universitetlərin beynəlxalq reytinq sistemidir. Reytinq cədvəli Rusiyanın RUR Agentliyi tərəfindən 2010-cu ildən nəşr olunur. Hər il Azərbaycan Memarlıq və İnşaat Universiteti bu bazaya məlumatları göndərərək reytinqə daxil olur. Bu reytinq sistemində universitetlər 4 istiqamətdə 20 göstərici üzrə qiymətləndirilir: tədris, tədqiqat, beynəlxalq əlaqələr və maliyyə.
Reytinqin əsas məqsədi ali təhsilə marağı olanları (abituriyentlər, tələbələr, akademik və elmi işçilər) cəlb etməkdir. “RUR ranking” 6 bölmə - humanitar, texniki, təbiət, sosial, bioloji və tibb elmləri üzrə hazırlanıb. 2020-ci il üçün reytinq sistemində dünyanın 829 nüfuzlu universiteti yer alıb.
Xatırladaq ki, keçən il AzMİU 775-ci yerdə qərarlaşmışdı.
Bölmənin digər xəbərləri
