“AZNEFTKİMYAMAŞ”IN MÜƏSSİSƏLƏRİ MƏHSUL İSTEHSALINI ARTIRMIŞDIR

16.11.2006 [11:30]
Çap et
A⁺ A^-

AZƏRTAC xəbər verir ki, “Azneftkimyamaş” ASC-nin tərkibində olan müəssisələr bu ilin əvvəlindən əmtəəlik məhsul istehsalını xeyli artırmağa nail olmuşlar.

Yanvar-oktyabr aylarında Səttarxan adına zavodda 2 milyon 879,8 min manatlıq, Suraxanı maşınqayırma zavodunda 2 milyon 196,4 min manatlıq, Keşlə maşınqayırma zavodunda 1170,8 min manatlıq, Sabunçu Elm-İstehsalat Birliyində 2 milyon 054,9 min manatlıq, B.Sərdarov adına zavodda 1 milyon 393,6 min manatlıq, “Bakı fəhləsi” zavodunda 2 milyon 283,9 min manatlıq, Bakı NMMZ-də 1 milyon 774 min manatlıq, “Bakı” maşınqayıma zavodunda 1 milyon 628,9 min manatlıq məhsul istehsal edilmişdir.

“Azneftkimyamaş”ın müəssisələrində oktyabrda 2 milyon 119,4 min manatlıq məhsul istehsal olunmuşdur.

Cari ilin ötən 10 ayında 18 milyon 346,3 min manatlıq məhsul hazırlanmış, proqnoz 107,4 faiz yerinə yetirilmişdir.

Ötən ilin eyni dövrü ilə müqayisədə artım sürəti 21,9 faiz olmuşdur.

Müəssisələrdə yeni iş yerləri də açılmışdır.