Bakı-İstanbul-Bakı aviareysinə baqajsız biletlər təklif olunur
Bakı, 1 sentyabr, AZƏRTAC
“Azərbaycan Hava Yolları” QSC (AZAL) pilot layihəsi çərçivəsində Bakı-İstanbul və İstanbul-Bakı marşrutu üzrə baqajsız biletlər təklif edir.
AZAL-dan AZƏRTAC-a bildirilib ki, artıq aviaşirkətin saytından onlayn aviabilet bron edərkən daha sərfəli “Economy Lite” tarifini seçmək mümkündür. Bura yalnız əl yükü (çəkisi 10 kiloqram və ölçüləri 55x40x23 santimetrə qədər) daxildir, tarif qısamüddətli işgüzar səfər edənlər üçün mükəmməldir.
Baqaj lazım olduğu təqdirdə, hər zaman onlayn “Rezervasiyanın idarə edilməsi” bölməsindən, 24 saat xidmət göstərən Çağrı mərkəzindən əlaqə saxlayaraq və ya birbaşa hava limanında qeydiyyat masasından əldə etmək olar.
Bölmənin digər xəbərləri
