BAKI MUSİQİ MƏKTƏBLƏRİNİN RƏHBƏRLƏRİ İLƏ GÖRÜŞ
Mədəniyyət və Turizm Nazirliyinin təşkilatçılığı ilə keçirilən tədbirdə nazir musiqi məktəblərində gənc kadrların hazırlığının vəziyyəti, bu sahədə mövcud problemlərlə maraqlanmış, onların aradan qaldırılması yolları barədə iştirakçıların fikrini öyrənmişdir.
Bakı Şəhər Mədəniyyət və Turizm İdarəsinin rəisi Həsənağa Qurbanov və başqaları musiqi məktəblərindəki vəziyyət barədə məlumat vermişlər. Bildirilmişdir ki, Mədəniyyət və Turizm Nazirliyinin nəzdində Bakıda 40-a yaxın musiqi məktəbi fəaliyyət göstərir və onlarda 15 minə yaxın şagird təhsil alır. Bu şagirdlərin arasında beynəlxalq müsabiqələrin qalibləri də vardır. Lakin bu, heç də həmin məktəblərdə təhsilin müasir tələblərə cavab verməsi demək deyildir.
Müzakirələrdən məlum olmuşdur ki, müasir səviyyəli kadrlar yetişdirmək üçün məktəblərin istər dərs vəsaiti, istərsə də musiqi alətləri ilə təchizatı məsələsində müəyyən problemlər mövcuddur.
Tədbirdə problemlərin aradan qaldırılması yolları barədə ətraflı söhbət getmişdir.
Bölmənin digər xəbərləri
