Bakı voleybol klublarının CEV kuboku yarışlarındakı növbəti oyunlarının vaxtı müəyyənləşmişdir
Bakı, 14 noyabr (AZƏRTAC). Qadın voleybolçular arasında Avropa Voleybol Konfederasiyası (CEV) kuboku yarışlarında mübarizə aparan Bakı klublarının ev oyunlarının keçirilmə vaxtı müəyyənləşmişdir.
AZƏRTAC xəbər verir ki, “Azərreyl” komandası 1/8 final mərhələsinin ilk görüşünə dekabrın 4-də çıxacaqdır. Komandamızın Bakı Voleybol Mərkəzində “Olomouts”la (Çexiya) qarşılaşması saat 18:00-da başlayacaqdır.
“Lokomotiv” isə “Hapoel”i (Kfar Saba, İsrail) “Azərreyl”dən 1 gün sonra sınağa çəkəcəkdir. Matç eyni məkanda və eyni saatda olacaqdır.
Bölmənin digər xəbərləri
