Bakı Xoreoqrafiya Akademiyası: bu günədək 400-dən çox onlayn və videodərs keçirilib
Bakı, 1 may, AZƏRTAC
Koronavirus pandemiyası ilə əlaqədar Azərbaycan Respublikasında elan olunmuş xüsusi karantin rejiminə uyğun olaraq, Bakı Xoreoqrafiya Akademiyasının inzibati və professor-müəllim heyəti tədris prosesini davam etdirmək məqsədilə fəaliyyətlərini onlayn şəkildə təşkil edib.
Akademiyadan AZƏRTAC-a bildirilib ki, martın 11-dən bu günədək bütün pillələr üzrə ümumilikdə 400-dən çox onlayn və videodərs keçirilib. Dərslər həm nəzəri fənləri, həm də ixtisas fənlərini əhatə edir. Bu dərslərdə 200-ə yaxın müəllimin iştirak etməsi ilə mövcud distant təhsildən 500-dən çox şagird və tələbənin yararlanmasına şərait yaradılıb.
Onlayn dərslər “Whatsapp” , “Skype” , “Zoom” və “Microsoft Teams” proqramları üzərindən, videodərslər isə akademiyanın rəsmi “YouTube” kanalı və “Facebook” səhifəsindən yayımlanır. Hər iki halda 230 dərs sosial şəbəkələr vasitəsilə həm müəllim-tələbə heyətinə, həm də geniş ictimaiyyətə açıq şəkildə yayımlanır.
Dərslərin xüsusi karantin rejiminin sonuna qədər davam etdirilməsi nəzərdə tutulur.
Bölmənin digər xəbərləri
