CƏMİYYƏT
Bakıda oğurluq etmiş Qazaxıstan vətəndaşı tutulmuşdur
Bakı, 30 oktyabr (AZƏRTAC). Oktyabrın 26-da Sevinc İbrahimovaya məxsus 250 manat və 2 mobil telefonu oğurlamış Qazaxıstan vətəndaşı Nurgül Basinova Nəsimi Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində tutulmuşdur.
N.Basinovanın ətrafında aparılmış əməliyyat tədbirləri nəticəsində onun Yekaterina Quliyevanın 121 manat, Günel Yetimovanın isə 55 manat pulunu və şəxsi sənədlərini oğurladığı da müəyyən edilmişdir.
Oğurluq etdiklərinə görə oktyabrın 28-də Oğuz və Ağsu rayonları polis şöbələri əməkdaşlarının keçirdikləri birgə əməliyyat-axtarış tədbirləri nəticəsində tutulmuş Ceyhun Əfəndizadənin, Murad Rəşidovun, Nofəl Sarıyevin və Şəhriyar Soltanovun ətrafında aparılmış əməliyyat tədbirləri nəticəsində onların oktyabrın 21-də Qələm Səfərovaya məxsus 16 baş qoyunu da oğurladıqları müəyyən edilmişdir. Habelə onların Bum qəsəbə sakinləri Mehman Ağamoğlanov və Əkrəm Qasımov ilə birgə oktyabrın 15-də Natiq Qafarova məxsus 5 baş, oktyabrın 18-də Ələkbər Kərimova məxsus 3 baş, oktyabrın 4-də isə Qarabaldır kənd sakini Elsevər Həmidovun həyətindən 2 baş qoyun oğurladıqları müəyyən edilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hadisələrlə bağlı cinayət işi açılmışdır, araşdırmalar davam etdirilir.