BAKIDA ŞƏRQİ AVROPA REGİONAL ANTİDOPİNQ TƏŞKİLATI SAYTININ TƏQDİMATI OLMUŞDUR
AZƏRTAC xəbər verir ki, Azərbaycan Gənclər və İdman Nazirliyinin dəstəyi ilə Bakıda Şərqi Avropa Regional Antidopinq Təşkilatının (RADA) yeni saytının təqdimatı olmuşdur.
Bununla bağlı “Excelsior” mehmanxanasında keçirilən mərasimdə RADA-nın direktoru Nikolas Kruçinski demişdir ki, təşkilatın əvvəlki iclasında yeni saytın yaradılması qərara alınmışdır. Azərbaycan hökuməti bu sahədə maliyyə dəstəyinin böyük hissəsini öz öhdəsinə götürmüşdü. Fürsətdən istifadə edib Azərbaycanın Gənclər və İdman Nazirliyinə minnətdarlığımı bildirirəm. www.rado-ee.org ünvanında yerləşəcək sayt rus və ingilis dillərində fəaliyyət göstərəcəkdir.
Təşkilata üzv ölkələrin gördükləri işlər barədə hesabatlar hər ayın sonunda saytda yerləşdiriləcəkdir.
Bölmənin digər xəbərləri
