BAKIDA YENİ AVTOVAĞZAL YAXIN ÜÇ AYDA İSTİFADƏYƏ VERİLƏCƏKDİR
AZƏRTAC xəbər verir ki, Bakının şimal hissəsində yerləşən yeni beynəlxalq avtovağzal kompleksi yaxın 3 ayda istifadəyə veriləcəkdir.
Bu barədə məlumat verən nəqliyyat nazirinin müavini Musa Pənahov demişdir ki, avtovağzal həm beynəlxalq, həm şəhərlərarası, həm də paytaxtda sərnişindaşımaları təmin edəcəkdir. Eyni zamanda, avtovağzalda sərnişinlərin istirahəti üçün hər cür şərait yaradılacaqdır. Bu məqsədlə kompleksin ərazisində mehmanxana və ticarət mərkəzi inşa olunmuşdur.
Azərbaycanda bənzəri olmayan bu kompleksin tikintisinə 2004-cü ilin mayında başlanılmışdır. Ümumi sahəsi 164 min kvadratmetr olan avtovağzal sutkada 18-20 min sərnişinə (800-950 avtobus) xidmət göstərmək üçün nəzərdə tutulmuşdur. Kompleksin yeraltı hissəsində 720 avtomobil üçün avtodayanacaq, birinci və ikinci mərtəbələrdə təqribən 1500 ticarət obyekti, üçüncü mərtəbədə isə avtobus platformaları və digər məişət xidməti obyektləri yerləşəcəkdir.
Bölmənin digər xəbərləri
