“BAKITEL-2002” SƏRGİSİ BAŞA ÇATMIŞDIR
Bakıda keçirilən səkkizinci Azərbaycan beynəlxalq telekommunikasiyalar və kompüter texnologiyaları sərgisi başa çatmışdır.
Sərgidə dünyanın 15 ölkəsindən telekommunikasiya və rabitə, kompüter texnologiyaları, proqram təminatı, təhlükəsizlik sistemi sahələrində xidmət göstərən 60-a yaxın şirkət iştirak etmişdir. Sərgi başa çatdıqdan sonra onun təşkilatçıları keçirdikləri mətbuat konfransında bildirmişlər ki, bu sərgidə iştirak edən şirkətlərin sayı əvvəlki illərlə müqayisədə xeyli artmışdır. Mütəxəssislərin fikrincə, Azərbaycanın milli telekommunikasiyalar bazarı fəal surətdə inkişaf edir və son illər ərzində xarici şirkətlər bu sahəyə təxminən 870 milyon dollar məbləğində sərmayə qoymuşlar. Həmin müddətdə informasiya-kompüter texnologiyaları (JKT) sahəsində milli strategiyanın qlobal inkişaf layihəsi həyata keçirilmiş, özəl rabitə operatorları isə çoxşaxəli ATM şəbəkələrini yaratmışlar.
İlkin proqnozlara görə, 2005-ci ilədək Bakı şəhərində telefon rabitəsi abonentlərinin sayı, özəl rabitə operatorlarını çıxmaq şərti ilə, təxminən 1,5 milyon nəfər olacaqdır.
Forum çərçivəsində İKT bazarının inkişaf perspektivlərinə həsr olunmuş “dəyirmi masa” keçirilmişdir. Tədbirdə Azərbaycan, Rusiya, İran, Türkiyə, Qazaxıstan, Avropa ölkələri və ABŞ-ın informasiya- kompüter texnologiyaları sahəsində mütəxəssisləri iştirak etmişlər.
Bölmənin digər xəbərləri
