Bank sektorunun xarici öhdəlikləri azalıb
Bakı, 27 oktyabr, AZƏRTAC
2026-cı ilin yanvar-sentyabr aylarında banklar 1 milyard 81,8 milyon manat xalis mənfəət, 1 milyard 697,2 milyon manat məbləğində əməliyyat mənfəəti əldə ediblər.
AZƏRTAC Mərkəzi Banka istinadla xəbər verir ki, cari ilin 9 ayında banklar tərəfindən ümumilikdə 270,8 milyon manat məbləğində mənfəət vergisi ödənilib.
Cari ilin sentyabr ayında manatla geniş mənada pul kütləsi (M2) ilin əvvəlinə nəzərən 11,7 faiz artaraq 45 milyard 117,5 milyon manat təşkil edib.
Bank sektorunun xarici öhdəlikləri ilin əvvəlinə nəzərən 150,2 milyon manat azalaraq 3 milyard 111,6 milyon manat təşkil edib. Xarici öhdəliklərdəki qeyd olunan dəyişiklik əsasən qeyri-rezident hüquqi şəxslərin cari hesablarının həcmindəki azalma ilə əlaqədardır.
Bölmənin digər xəbərləri
