Barış Ekincier U-21-in toplanışına gələ bilməyəcək
Bakı, 26 avqust, AZƏRTAC
Almaniyanın “Bohum” klubunda çıxış edən Barış Ekincier 21 yaşadək futbolçulardan ibarət Azərbaycan milli komandasının Avropa çempionatının seçmə mərhələsində sentyabrın 7-də Fransa yığmasına qarşı keçirəcəyi oyuna hazırlıq məqsədilə təşkil olunacaq təlim-məşq toplanışında iştirak edə bilməyəcək.
AZƏRTAC AFFA-ya istinadla xəbər verir ki, səbəb “Bohum” klubunun 6 üzvündə koronavirus (COVID-19) testinin pozitiv nəticələnməsi ilə əlaqədar Bundesliqanın əsasnaməsinə və federal qanunlara uyğun olaraq, komandanın bütün məşqçi, futbolçu və inzibati heyəti üçün 14 günlük karantin rejiminin tətbiq olunmasıdır.
Bölmənin digər xəbərləri
