Baş hakim: Boks üzrə Azərbaycan birinciliyi “yüksək şəffaflıq şəraiti”ndə keçdi
Bakı, 17 fevral, AZƏRTAC
Gənc boksçular arasında Azərbaycan birinciliyinin final mərhələsi çərçivəsində 13 çəki dərəcəsində qarşılaşmalar keçirildi. Bu görüşlərin hər birinin qiymətləndirilməsində ədalət təmsilçisi kimi hakimlərin üzərinə böyük məsuliyyət düşürdü. Yarışda hər bir hakim bu məsuliyyəti başa düşür və ədalətli qərar vermək üçün bütün imkanlardan istifadə edirdi. Tam əminliklə deyə bilərəm ki, boks üzrə Azərbaycan birinciliyi yüksək şəffaflıq şəraitində keçdi.
Bu sözləri AZƏRTAC-a müsahibəsində gənc boksçular arasında keçirilən Azərbaycan birinciliyinin baş hakimi Etibar Alıyev bildirib. O qeyd edib ki, aşağı çəkili boksçuların yarışında rəqabət daha yüksək olub: “Aşağı çəkili boksçuların yarışında daha gərgin rəqabətin şahidi olduq. Amma bu, o demək deyil ki, ağır çəkilərdə qarşılaşmalar zəif keçdi. Qeyd edim ki, ötən illərlə müqayisədə budəfəki yarışa qatılan ağır çəkilərdə (86 kq, 92 kq, +92 kq) boksçuların sayı daha çox idi. Onların qarşılaşmaları da maraqlı mübarizə şəraitində keçdi.
Baş hakim onu da qeyd edib ki, yarış zamanı gənc boksçular arasında ciddi zədə alan yoxdur.
Bölmənin digər xəbərləri
