BDU-nun Xocalı soyqırımı haqqında sənədli filmi “Park Cinema”da nümayiş olunacaq
Bakı, 21 fevral, AZƏRTAC
Bakı Dövlət Universitetinin (BDU) Tələbə Həmkarlar İttifaqı Komitəsi (THİK) tərəfindən hazırlanan “Xocalı - insanlığa qarşı cinayət” (“Khojaly - crime against humanity”) sənədli filmi fevralın 26-da “Park Cinema”da nümayiş olunacaq.
Bu barədə məlumat BDU THİK və “Park Cinema” şəbəkələrinin nümayəndələri arasında görüşdə diqqətə çatdırılıb.
Universitetdən AZƏRTAC-a bildiriblər ki, BDU THİK sədri Hacıbaba Mustafayev “Park Cinema” şəbəkələrinin dəstəyi ilə fəaliyyət göstərən “RERH Cinema Klub” haqqında məlumat verib. Qeyd edilib ki, “RERH Cinema Klub” layihəsinin əsas məqsədi tələbələrin film sektoruna və yerli filmlərə maraqlarının artırılmasından ibarətdir.
Sonra “Park Cinema”nın Marketinq departamentinin rəhbəri Üzeyir Abdullayev, PR meneceri Səbinə Bağırova, “RERH Cinema Klub”un təsisçiləri Rəvan Əliyev və Emil Bağırzadə kinoteatrlar şəbəkəsinin fəaliyyəti, strukturu ilə tələbələri tanış edib, sualları cavablandırıblar.
Bölmənin digər xəbərləri
