“Bədii ədəbiyyatda dialektizmlər” kitabı çapdan çıxıb
Yeni lüğətdə yalnız dialekt və şivələrdə işlənən 2200-dən çox söz və ifadə toplanıb
Bakı, 15 fevral, AZƏRTAC
AMEA-nın Nəsimi adına Dilçilik İnstitutunun Azərbaycan dialektologiyası şöbəsinin aparıcı elmi işçisi, dosent Kubra Quliyevanın “Bədii ədəbiyyatda dialektizmlər” kitabı çap olunub.
İnstitutdan AZƏRTAC-a bildirilib ki, lüğətdə müxtəlif dialekt və şivə daşıyıcısı olan yazıçı və şairlərin əsərlərindən Azərbaycan ədəbi dilində işlənməyən, yalnız danışıq dilində - dialekt və şivələrdə işlənən 2200-dən çox söz və ifadə toplanıb.
Nəşrin redaktoru Xalq şairi Fikrət Qoca və filologiya üzrə fəlsəfə doktoru, dosent Kifayət İmamquliyeva, rəyçiləri isə professor Məhərrəm Məmmədli, dosentlər Güntəkin Binnətova və Qüdsiyyə Qəmbərovadır.
Lüğət dil tarixinin öyrənilməsi, bir sıra qədim söz köklərinin araşdırılması, etimoloji tədqiqat və etimoloji lüğətlərin tərtibi, eləcə də dialektoloji lüğətlərin, dilin leksik bazasının zənginləşdirilməsi üçün əhəmiyyətlidir.
Bölmənin digər xəbərləri
