Belarus Respublikasının Baş nazirinin birinci müavini Gəncədə olmuşdur
Gəncə, 14 noyabr (AZƏRTAC). Belarus Respublikasının Baş nazirinin birinci müavini Vladimir Semaşko Azərbaycana səfəri çərçivəsində Gəncədə olmuş, Gəncə avtomobil zavodunda Azərbaycanla Belarus arasında bağlanmış müqaviləyə əsasən istehsal edilən “MAZ” avtomaşınlarının və “Belarus” traktorlarının yığım prosesi ilə maraqlanmışdır.
AZƏRTAC xəbər verir ki, Gəncə avtomobil zavodu istehsalat birliyinin müşahidə şurasının sədri Xanlar Fətiyev qonağa müəssisənin istehsal imkanları və fəaliyyəti barədə ətraflı məlumat vermişdir. Müəssisədə istehsal olunmuş hazır texnikaya baxan Vladimir Semaşko zavodun gördüyü işləri yüksək qiymətləndirmişdir.
Görüşdə Belarusun Azərbaycandakı səfiri Nikolay Padskeviç iştirak etmişdir.
Bölmənin digər xəbərləri
