BƏRDƏLİLƏR 20 YANVAR ŞƏHİDLƏRİNİN XATİRƏSİNİ ƏZİZ TUTURLAR
Mərasimdə şəhidlərə həsr olunmuş şeirlər səslənmiş, qanlı qırğını əks etdirən ədəbi-bədii kompozisiya göstərilmişdir. İctimaiyyətin nümayəndələri Qarabağ müharibəsi şəhidlərinin xatirə-kompleksini də ziyarət etmişlər.
Rayonun bütün yaşayış məntəqələrində, idarə və müəssisələrdə, səhiyyə, təhsil və mədəniyyət ocaqlarında anma mərasimləri keçirilmiş, 70-dən çox yaşayış məntəqəsində 20 Yanvar Şəhidlərinin xatirəsinə abidə ucaldılmışdır.
20 Yanvar faciəsinin 16-cı ildönümü ilə əlaqədar Ağdam, Ağcabədi, Yevlax, Tərtər, Laçın, Xocavənd, Xocalı və Beyləqan rayonlarında da anma mərasimləri keçirilmişdir. Şəhidlərin ruhuna dualar oxunmuş, ehsanlar verilmişdir. Mərasimlərdə çıxış edənlər ölkənin rəhbərliyi tərəfindən müstəqilliyimiz, suverenliyimiz uğrunda canlarından keçmiş şəhidlərin xatirəsinin əbədiləşdirilməsini, onların ailə üzvlərinə göstərilən qayğını mərd mübarizlərin ruhuna böyük ehtiram kimi qiymətləndirmişlər.
Bölmənin digər xəbərləri
